Wednesday 16 January 2019
Home      All news      Contact us      English
khmer-note - 4 days ago

ក្រុមអ្នកស្រុកនាំគ្នារើសស្រាបៀររាប់រយកំប៉ុងដែលជ្រុះរាយប៉ាយពេញផ្លូវ ប៉ុន្តែប៉ូលីសនិយាយថា វាជាករណីលួចនឹងរង់ចាំម្ចាស់ស្រាបៀរចូលដាក់ពាក្យបណ្ដឹង

ថៃ៖ មនុស្សជាច្រើនបានប្រញាប់ប្រញាល់ប្រមូលកំប៉ុងស្រាបៀរនៅតាមដងផ្លូវកាលពីព្រឹកថ្ងៃទី១១ ខែមករា នេះបន្ទាប់ពីស្រាបៀរលីអូរាប់ពាន់កំប៉ុងនេះបានរមៀលជ្រុះពីឡានដឹករបស់វាតាមបណ្តោយផ្លូវក្នុងតំបន់រ៉ាសាដា។ មន្ត្រីប៉ូលីសត្រូវបានគេជូនដំណឹងអំពីឧបទ្ទវហេតុនេះនៅម៉ោងប្រហែល ៦ព្រឹក ក៏ប៉ុន្ដែដោយសារតែមិនទាន់ដល់ពេលដែប៉ូលីសចរាចរត្រូវបំពេញភារកិច្ច ក្រុមមន្ត្រីបានមកដល់កន្លែងកើតហេតុនៅលើផ្លូវ Kingkaew-Uthit រៀងយឺតពេលទៅហើយ។ នៅពេលមកដល់មន្ត្រីប៉ូលីសបានរកឃើញមនុស្សជាច្រើនបានប្រមូល និងយកចេញនូវកំប៉ុងស្រាបៀរជាច្រើនតាមដែលពួកគេអាចធ្វើបាន។ ខណៈពេលដែលអ្នកផ្សេងទៀតបានជួយប្រមូលសំបកកំប៉ុង និងលាងជម្រះផ្លូវ ដោយសារកំប៉ុងស្រាបៀរមួយចំនួនបានបែកធ្លាយខូចខាតនៅលើផ្លូវ។ អ្នកបើកបរឡានដឹកទំនិញមិនរងរបួសអ្វីទេ ហើយឡានដឹកទំនិញក៏មិនបានខូចខាតដែរ។ មូលហេតុនៃគ្រោះថ្នាក់នេះមិនទាន់ច្បាស់នៅឡើយទេ ប៉ុន្តែបើតាមការស៊ើបអង្កេតជាបឋមវាហាក់បីដូចជាគ្រាន់តែមានការធ្លាក់ស្រាបៀរពីលើឡានដោយសារការទុកដាក់មិនល្អប៉ុណ្ណោះ។ យ៉ាងណាមិញលោក Pongpop Prasopichai ប្រធានស្នងការប៉ូលីសចរាចរទីក្រុងភូកេតបានប្រាប់កាសែតថា៖ «ការយកទ្រព្យសម្បត្តិដែលជាកម្មសិទ្ធិរបស់អ្នកដទៃគឺជាទង្វើលួច មន្ត្រីប៉ូលីសនឹងរង់ចាំម្ចាស់ស្រាបៀរដើម្បីសំរេចថា តើពួកគេចង់ដាក់ពាក្យបណ្តឹងទាមទារសំណង ឬអត? បន្ទាប់មកទៀតនគរបាលអាចនឹងធ្វើការចោទប្រកាន់អ្នកដែលពាក់ព័ន្ធទាំងនោះ»៕ អត្ថបទ៖ លីដា ប្រភព៖ thephuketnews The post ក្រុមអ្នកស្រុកនាំគ្នារើសស្រាបៀររាប់រយកំប៉ុងដែលជ្រុះរាយប៉ាយពេញផ្លូវ ប៉ុន្តែប៉ូលីសនិយាយថា វាជាករណីលួចនឹងរង់ចាំម្ចាស់ស្រាបៀរចូលដាក់ពាក្យបណ្ដឹង appeared first on Khmernote.

Related news

Latest News
Hashtags:   

ក្រុមអ្នកស្រុកនាំគ្នារើសស្រាបៀររាប់រយកំប៉ុងដែលជ្រុះរាយប៉ាយពេញផ្លូវ

 | 

ប៉ុន្តែប៉ូលីសនិយាយថា

 | 

វាជាករណីលួចនឹងរង់ចាំម្ចាស់ស្រាបៀរចូលដាក់ពាក្យបណ្ដឹង

 | 
Most Popular (6 hours)

Most Popular (24 hours)

Most Popular (a week)

Sources