Monday 19 April 2021
Home      All news      Contact us      RSS      English
kbn - 2 month ago

វៃខ្នោះនាយកសារព័ត៌មាន Angkor Today​​ ដែលបានចុះផ្សាយថា «កម្ពុជាលក់វ៉ាក់សាំងការពារកូវីដ១៩របស់ចិនក្នុងតម្លៃ១២០ដុល្លារ» 

រាជធានីភ្នំពេញ៖ នៅទីបំផុតនាយកសារព័ត៌មាន Angkor Today ដែលបានផ្សព្វផ្សាយជាភាសាចិនថា «កម្ពុជាលក់វ៉ាក់សាំងការពារកូវីដ១៩របស់ចិនក្នុងតម្លៃ១២០ដុល្លារ» ត្រូវបានកម្លាំងសមត្ថកិច្ចចាប់ឃាត់ខ្លួននៅខេត្តសៀមរាប នាល្ងាចថ្ងៃទី២៤ ខែកុម្ភៈ ឆ្នាំ២០២១ នេះបើយោងតាមនាយឧត្តមសេនីយ៍ ឆៃ ស៊ីណារិទ្ធ អគ្គស្នងការរងនគរបាលជាតិ ថ្លែងប្រាប់អគ្គនាយកបណ្តាញព័ត៌មាន នៅមុននេះបន្តិច។ នាយកសារព័ត៌មាន Angkor Today ដែលត្រូវចាប់ខ្លួនមានឈ្មោះ SHEN KAIDONG ជាជនជាតិចិន មានទីស្នាក់ការនៅខេត្តសៀមរាប។ សារព័ត៌មាន Angkor Today នេះមានឈ្មោះពីមុនជា Angkor Times ដែលស្ថិតក្រោមការគ្រប់គ្រងម្ចាស់តែម្នាក់។ នាយឧត្តមសេនីយ៍ ឆៃ ស៊ីណារិទ្ធ បានបន្ថែមថា បន្ទាប់ពីចាប់ខ្លួនជនជាតិចិនរូបនេះ សមត្ថកិច្ចនឹងបន្តនីតិវិធីបញ្ជូនទៅកាន់តុលាការខេត្តសៀមរាប ដើម្បីផ្តន្ទាទោសតាមផ្លូវច្បាប់។ ការចាប់ខ្លួនជនជាតិចិនខាងលើនេះ បានធ្វើឡើងភ្លាមៗបន្ទាប់ពីសារព័ត៌មាននេះ បានផ្សព្វផ្សាយតាមបណ្តាញ Wechat ថា «កម្ពុជាលក់វ៉ាក់សាំងដែលជាជំនួយរបស់ចិន» ហើយភ្លាមៗក្រសួងសុខាភិបាលកម្ពុជា ក៏បានប្រកាសច្រានចោលទាំងស្រុងផងដែរចំពោះការចុះផ្សាយនូវព័ត៌មានមិនពិត និងគ្មានមូលដ្ឋានមួយនេះ៕ The post វៃខ្នោះនាយកសារព័ត៌មាន Angkor Today​​ ដែលបានចុះផ្សាយថា «កម្ពុជាលក់វ៉ាក់សាំងការពារកូវីដ១៩របស់ចិនក្នុងតម្លៃ១២០ដុល្លារ»  appeared first on Khmer Breaking News.


Latest News
Hashtags:   

វៃខ្នោះនាយកសារព័ត៌មាន

 | 

Angkor

 | 

Today​​

 | 

ដែលបានចុះផ្សាយថា 

 | 

កម្ពុជាលក់វ៉ាក់សាំងការពារកូវីដ១៩របស់ចិនក្នុងតម្លៃ១២០ដុល្លារ

 | 

Sources