Sunday 9 May 2021
Home      All news      Contact us      RSS      English
kbn - 21 days ago

ច្បាប់ត្រូវតែចាត់ការ! អ្នកល្មេីសបម្រាម លួចរត់ពីភ្នំពេញចូលមកខេត្តព្រៃវែង បានរកឃេីញវិជ្ជមានកូវីដ-១៩ ចំនួន៥នាក់

ខេត្តព្រៃវែង៖ យោងតាមការបង្ហោះសាររបស់ លោក ជា មេសុធី អភិបាលខេត្តព្រៃវែង បានឲ្យដឹងថា៖ «អ្នកល្មេីសបម្រាមនៅតែមានថ្ងៃនេះ មានអ្នកលួចចល័តទីចូលមកខេត្តព្រៃវែងថ្មី បានរកឃេីញវិជ្ជមានកូវីដ-១៩ ចំនួន៥នាក់ បន្ថែមទៀត ដែលគាត់ជាអ្នកស្រុកសុីធរកណ្ដាលមកពីរាជធានីភ្នំពេញ។ អ្នកទាំង ៥នាក់ នឹងទទួលទណ្ឌកម្មព្រហ្មទណ្ឌតាមមាត្រា១០ និងមាត្រា១១ នៃច្បាប់ស្តីពីកូវីដ ព្រមទាំងទណ្ឌកម្មរដ្ឋបាលបន្ថែមផ្សេងទៀត បន្ទាប់ពីត្រូវនាំទៅធ្វើចត្តាឡីស័ករយៈពេល ១៤ថ្ងៃ និងបន្ទាប់ពីព្យាបាលរួច។ ខណៈនេះ គណៈកម្មការខេត្តបានកំពុងធ្វើការស្រាវជ្រាវព័ត៌មានស្តីពីកន្លែងដែលគាត់បានចេញដំណើរ មធ្យោបាយធ្វេីដំណេីរ និងអ្នកពាក់ព័ន្ធដោយផ្ទាល់ និងប្រយោលដេីម្បីយកមកធ្វើចត្តាឡីស័ក និងយកសំណាកទៅពិនិត្យបន្តទៀត។ យេីងខ្ញុំ ជាអាជ្ញាធរ និងកងកម្លាំង បានខិតខំការពារអាយុជីវិតបងប្អូន​ទាំងយប់ទាំងថ្ងៃមិនខ្លាចហត់នឿយទោះបីកាល:ទេស:ណាក៏ដោយ​ ដើម្បីប្រយុទ្ធប្រឆាំង ការពារទប់ស្កាត់ និងកាត់ផ្តាច់ចរន្តនៃការឆ្លងជំងឺកូវីដ១៩​ ចេញពីខ្លួនអ្នកនិងគ្រួសារអ្នក។ ពួកខ្ញុំក៏ខ្លាចឆ្លងជំងឺកូវីដ១៩ដ៏កាចសាហាវជាសត្រូវឥតស្រមោលនេះខ្លាំងណាស់ដែរតែវាជាតួនាទីភារកិច្ច និងកាតព្វកិច្ច» ៕ The post ច្បាប់ត្រូវតែចាត់ការ! អ្នកល្មេីសបម្រាម លួចរត់ពីភ្នំពេញចូលមកខេត្តព្រៃវែង បានរកឃេីញវិជ្ជមានកូវីដ-១៩ ចំនួន៥នាក់ appeared first on Khmer Breaking News.


Latest News
Hashtags:   

ច្បាប់ត្រូវតែចាត់ការ

 | 

អ្នកល្មេីសបម្រាម

 | 

លួចរត់ពីភ្នំពេញចូលមកខេត្តព្រៃវែង

 | 

បានរកឃេីញវិជ្ជមានកូវីដ

 | 

ចំនួន៥នាក់

 | 

Sources