Tuesday 11 May 2021
Home      All news      Contact us      RSS      English
kbn - 23 days ago

នោះ! ប្រទេសឡាវ សម្រេចបិទរដ្ឋធានីវៀងច័ន្ទ (Lock down) ក្រោយរកឃើញករណីឆ្លងកូវីដ-១៩ ប្រភេទថ្មី

រាជធានីភ្នំពេញ៖ អភិបាលក្រុងវៀងច័ន្ទ ប្រទេសឡាវ បានសម្រេចចបិទ (Lock down) រដ្ឋធានីវៀងច័ន្ទ ចាប់អនុវត្តពីថ្ងៃទី១៣ ដល់៣០ ខែមេសា ឆ្នាំ២០២១ ក្រោយពីបានរកឃើញករណីឆ្លងកូវីដ-១៩ ប្រភេទថ្មី។ យោងតាមសេចក្ដីជូនដំណឹងរបស់ស្ថានឯក អគ្គរាជទូតកម្ពុជា ប្រចាំសាធារណរដ្ឋប្រជាធិបតេយ្យប្រជាមានិតឡាវ បានឱ្យដឹងថាអ្នកវិជ្ជមានកូវីដ១៩នេះ ជាពាណិជ្ជករថៃ ហើយកាលពីថ្ងៃទី១១ ខែមេសា ឆ្នាំ២០២១ បុគ្គលនោះបានចេញ-ចូល ទីតាំងជាច្រើនកន្លែងក្នុងរដ្ឋធានីវៀងច័ន្ទ។ អាជ្ញាធរឡាវ កំពុងធ្វើការស្រាវជ្រាវ រកអ្នកពាក់ពន្ធ័ ជាមួយជនជាតិថៃមួយចំនួនទៀត។ ទន្ទឹមជាមួយនឹងការដាក់ចេញវិធានការទប់ស្កាត់ការរីករាលដាលជំងឺកូវីដ១៩នេះ ស្ថានទូតកម្ពុជា ប្រចាំសាធារណរដ្ឋប្រជាធិបតេយ្យ ប្រជាមានិតឡាវ ក៏បានជូនដំណឹងពីវិធានការមួយចំនួនសម្រាប់ប្រជាពលរដ្ឋខ្មែរដែលរស់នៅ ឬចង់ចេញចូលក្នុងប្រទេសឡាវផងដែរ។ ស្ថានទូតកម្ពុចាប្រចាំសាធារណរដ្ឋប្រជាធិបតេយ្យប្រជាមានិតឡាវ បានបញ្ជាក់ថា «ក្នុងឱកាសចូលឆ្នាំនេះ មិនអនុញ្ញាតឱ្យធ្វើដំណើរចេញ-ចូលរដ្ឋធានីវៀងច័ន្ទ ទៅដើរកំសាន្តតាមបណ្តាខេត្តផ្សេងៗ លើកលែងតែអ្នកជំងឺ និងការដឹកជញ្ជូនទំនិញ»។ អាជ្ញាធរឡាវ ក៏បានផ្អាកធ្វើអាជីវកម្មជាបណ្តោះអាសន្ន, ហាមជួបជុំគ្នា និងធ្វើទំនាក់ទំនងប្រមូលផ្តុំគ្នាកុះករ ត្រូវអនុវត្តគម្លាតសង្គម ហើយបើពុំមានការចាំបាច់ សូមកុំធ្វើដំណើរចេញក្រៅផ្ទះនៅក្នុងឱកាសចូលឆ្នាំថ្មី៕ The post នោះ! ប្រទេសឡាវ សម្រេចបិទរដ្ឋធានីវៀងច័ន្ទ (Lock down) ក្រោយរកឃើញករណីឆ្លងកូវីដ-១៩ ប្រភេទថ្មី appeared first on Khmer Breaking News.


Latest News
Hashtags:   

ប្រទេសឡាវ

 | 

សម្រេចបិទរដ្ឋធានីវៀងច័ន្ទ

 | 

ក្រោយរកឃើញករណីឆ្លងកូវីដ

 | 

ប្រភេទថ្មី

 | 

Sources